11 июль куни чоракфиналнинг навбатдаги учрашуви бўлиб ўтди. Унда Испания Белгияни ютиб, ярим финалга йўл олди. Ўйиннинг 30-дақиқасида дастлаб Руис дарвозабондан қайтган тўпга биринчи бўлиб етиб келди ва ҳисобни очди. Белгияликлар эса биринчи бўлимнинг ўзида ҳисобни тенглаштирди.

“Қизил фурия” иккинчи бўлим давомида устунликка эришди, ъқизил иблислар” дарвозабони Тибо Куртуа жароҳат олиши Белгияга салбий таъсир қилди. Унинг ўрнига захирадан туширилган Ламменс ўйин охирида қўпол хатога йўл қўйди – у Кубарсининг зарбасидан кейин тўпни ушлаб қололмади, тўпга биринчи бўлиб етиб келган Микел Мерино ғалаба голини урди ва ярим финал йўлланмасини қўлга киритди.

Энди Испания 14 июль куни ярим финалда Францияга қарши майдонга тушади.

Ямал эса французлар билан ўйиндан олдин улар ҳақида фикр билдирди.

“Агар Франция кимдандир қўрқиши керак бўлса, бу — бизмиз. Чунки ўтган сафар ҳам уларни мусобақадан чиқариб юборганмиз. Биз эса ҳеч кимдан қўрқмаймиз. Бу чемпионатда ҳали бизга тенг келадиган рақибга дуч келмадик. Бизга қарши ўйнаган барча жамоалар футбол ўйнашдан чўчиб, ҳимояга ёпишиб олишди” – дейди испаниялик футболчи.

• Бельгия
• Fransiya
• Футбол
• Ispaniya
• Жаҳон чемпионати