16–20 декабрь кунлари Тошкентда каратэнинг WKF йўналиши бўйича ўсмирлар, ёшлар ва катталар ўртасида Осиё чемпионати бўлиб ўтмоқда.

Биринчи кунда ўсмирлар ёш тоифаларида ката ва кумите бўйича яккалик ҳамда жамоавий йўналишдаги баҳслар ўтказилди. Эътиборлиси, унда Ўзбекистон терма жамоаси 1 та олтин, 1 та кумуш ва 3 та бронза, жами 5 та медалга сазовор бўлди.

Ягона олтин медалга 14–15 ёшли ўсмирлар ўртасида +70 кг вазн тоифасида кечган кумите баҳсларида Муҳаммадризо Абдулатипов эгалик қилди.

Дастлабки кун ғолиб ва совриндорлари:

Олтин медаль:

Кумите (14-15 ёш), +70 кг: Муҳаммадризо Абдулатипов

Кумуш медаль:

Кумите (14-15 ёш), -52 кг: Ҳумоюнмирзо Ҳалимов

Бронза медаль:

Ката (16-17 ёш): Абдулазиз Расулов

Жамоавий ката (16-17 ёш), ўғил болалар

Жамоавий ката (16-17 ёш), қиз болалар

Ўзбекистон каратэ миллий федерациясининг маълум қилишича умумий иштирокчилар сони 1 000 нафардан ортиқ. Жамоамиз унда 59 нафар спортчи билан иштирок этмоқда.

• Karate
• Осиё Чемпионати
• Ўзбекистон