Туркиянинг Коня шаҳрида бўлаётган Ислом бирдамлиги ўйинларида дзюдо баҳсларида Ўзбекистон делегацияси совринли ўринларга эга чиқди.

Шарофиддин Болтабоев совриндорлар қаторида

Дзюдочиларимизнинг иккинчи кун дастури ҳисобидан делегациямизга медаллар тақдим қилишни бошлашди. -81 кг вазн тоифасида бронза медали учун баҳс олиб борган Шарофиддин Болтабоев озарбайжонлик азалий рақибларидан бири Зелим Ткаевни мағлубиятга учратди.

Шоҳиста Назарова навбатдаги бронза медалини тақдим қилди

Дзюдо баҳсларида яна бир бронза. -70 кг вазн тоифасида баҳс олиб борган қизимиз Шоҳиста Назарова ҳам мусобақадан медал билан қайтадиган бўлди. Ҳамюртимиз бронза медали учун кечган баҳсда эронлик Марям Барбатдан устун келди.

Давлат Бобонов делегациямизга бронза медалини тақдим қилди

Токио-2020 Олимпиадаси совриндори Давлат Бобонов Ислом бирдамлиги ўйинларида ҳам делегациямиз ҳисобига бронза медалини келтирди. -90 кг вазн тоифасида баҳс олиб борган юртдошимиз учинчи ўрин учун баҳсда ливанлик рақибидан устун келди.

Гулноза Матниязова катта қийинчиликсиз олтин медални қўлга киритди

Маҳоратли дзюдочимиз Гулноза Матниязова Ислом бирдамлиги ўйинларида делегациямиз учун навбатдаги олтин медални тақдим этди. -70 кг вазн тоифасининг финал беллашувида ҳамюртимиз тунислик Ниҳел Ландолсига қарши курашиб, чиройли ғалабани тантана қилди.

Музаффарбек Тўрабоев Олимпиада финалчисини мағлуб этиб, олтин медалга сазовор бўлди

Ёш дзюдочимиз Музаффарбек Тўрабоев Ислом бирдамлиги ўйинларининг чемпионига айланди. -100 кг вазн тоифасида баҳс олиб борган Тўрабоев финалда 68 сония ичида Рио-2016 финалчиси озарбайжонлик Элмар Гасимовни мағлубиятга учратди.

• Давлат Бобонов
• Дзюдо
• Коня-2021
• Ўзбекистон