“Латвияда оғир ҳаётий вазиятга тушиб қолган ватандошимиз Ўзбекистон элчихонаси кўмагида оиласи бағрига қайтарилди”, – деб хабар бермоқда “Дунё” ахборот агентлиги.

Хусусан, Рига шаҳрига пул топиш мақсадида борган К.Ф. соғлиғи билан боғлиқ муаммоларга дуч келади ва ишсиз қолади. Шу муносабат билан у элчихонага Ўзбекистонга қайтишида амалий ёрдам сўраб мурожаат қилган.

Дипломатлар Латвия Миграция хизмати ходимлари билан музокаралар ўтказди ва К.Ф.нинг Ўзбекистонга қайтиши билан боғлиқ ҳужжатларни тайёрлашда амалий ёрдам кўрсатган. Элчихона ва Халқаро миграция ташкилотининг Ригадаги ваколатхонаси кўмагида у вақтинча турар жой билан таъминланган. Шунингдек, К.Ф.нинг Ўзбекистонга қайтиши учун авиачипта сотиб олиб берилган.

У 8 август куни Ригадан Ўзбекистонга “Uzbekistan Airways” авиарейсида кузатиб қўйилган.

• Латвия
• fuqaro