“Ўзбекистон элчихонасида Малайзиянинг “Ақуила Emas” медиа компанияси директори Шаризан Иса билан учрашув бўлиб ўтди”, – деб хабар қилмоқда “Дунё” ахборот агентлиги.

Шаризан Иса Малайзия ва Ўзбекистон киноижодкорлари иштирокида Имом Бухорий ҳаёти ва илмий-маънавий меросига бағишланган инглиз тилида бадиий фильм ва сериал суратга олиш режаларини маълум қилган.

“Фильм сценарийсини ишлаб чиқиш мақсадида Имом Бухорий ҳаёти ва ижодига тегишли илмий асосланган маълумотларни йиғиш ва соҳа экспертлари билан келишишни мақсад қилганмиз”, – деган у.

Мазкур лойиҳани амалга ошириш мақсадида “Ақуила Emas” медиа компания вакилларининг жорий йил июнь ойида Ўзбекистонга ижодий сафарини ташкил этиш бўйича келишувга эришилган.

• Ҳамкорлик
• Имом Бухорий
• Кино
• Malayziya
• Ўзбекистон