"Олтин малина" антимукофотининг 2022 йилги номзодлари рўйхати эълон қилинди. Унга кўра, "Йилнинг энг ёмон фильми" номига "Диана: Мюзикл", "Чексизлик", "Деразадаги аёл", "Карен", "Космик мураббо 2: Янги авлод" фильмлари "даъвогарлик қилмоқда".

"Йилнинг энг ёмон актёри» номинацияси бўйича номзодлар рўйхатига Марк Уолберг ("Чексизлик"), Бен Платт ("Қадрли Эван Хансен"), ЛеБрон Жеймс ("Космик мураббо 2: Янги авлод"), Ро Хартрампв ("Диана"), Скотт Иствуд ("Хавфли") лар киритилган.

"Йилнинг энг ёмон актрисаси" йўналишидаги антимукофотни ижодкорлар Эми Адамс ("Деразадаги аёл"), Меган Фокс ("Ёрма даласидаги ярим тун"), Жина де Ваал ("Диана") дан бири қўлга киритиши мумкин. Иккинчи даражали актёр сифатида энг ёмон ролни ижро этган номзодлар орасида Бен Аффлек, Жаред Лето, Эми Адамс ҳам бор.

Бу йили актёр Брюс Уиллис учун алоҳида – "Брюс Уиллиснинг 2021 йилдаги энг ёмон роли2 номинацияси жорий қилинган. Ушбу йўналишдаги рўйхатга Брюс Уиллис суратга тушган 8 та фильм номи киритилган.

Антимукофот "ғолиблари" 27 март куни аниқланади.

• Кино
• Мадагаскар
• Санъат
• Шоу-бизнес