Миллий статистика қўмитаси 2026 йилнинг 1 январь ҳолатига кўра Ўзбекистон демографик кўрсаткичлари статистикасини маълум қилди.

Хабарга кўра, республикада аҳолининг умумий сони 38 миллион 236,7 минг кишига етган. Бунда аёллар сони 18 миллион 979,0 минг нафар бўлса, эркаклар 19 миллион 257,7 минг кишини ташкил қилади. Умумий статистикада аёллар 49,6 фоиз, эркаклар эса 50,4 фоиз улушга эга.

Мамлакатда шаҳарларда истиқомат қилувчи аҳоли сони 19 миллион 471,7 минг кишига, қишлоқларда яшовчилар эса 18 миллион 765,0 минг кишига етган. Ўртадаги фарқ 706,7 минг кишидан ошади.

Ҳисобот даврида қонуний қайд этилган никоҳлар сони 267,1 мингта бўлса, ажримлар сони эса 46,9 мингтани ташкил қилган.

Шунингдек, республикага чет элдан кўчиб келганлар 1 159 тани ташкил этган, 10 117 киши эса кўчиб кетган.

• Ўзбекистон
• aholi soni
• статистика