“Ўзгидромет”нинг маълум қилишича, ушбу ҳафта давомида беқарор об-ҳаво кузатилади. Сабаби Туркманистондан нам ҳаво массалари кириб келмоқда. Республика бўйича баъзи жойларда ёмғир ёғади, фақат 4 февралда ёғингарчилик кутилмайди. Тоғолди ва тоғли ҳудудларда вақти-вақти билан ёғингарчилик (ёмғир, қор) бўлади, 2–3 февралда баъзи жойларда кучли бўлиши мумкин.

Ўзбекистон ҳудуди бўйича ҳарорат фони кечалари 5-10 даража илиқ, кундуз кунлари 13-18 даража атрофида илиқ бўлади.

Жума куни эса вазият ўзгаради, Ўзбекистонга Қозоғистон ҳудудидан совуқ ва нисбатан нам ҳаво массалари кириб келиши бошланади, бунинг ҳисобига республика бўйича 6 февралда баъзи жойларда ёғингарчилик (ёмғир қорга айланади) бўлади. Ҳарорат кун давомида пасаяди, кечаси ва кундузи 1-6 даража илиқ; шимолда кечаси 7-12 даража совуқ, кундузи 0-5 даража совуқ бўлади.

Республика бўйича баъзи жойларга тумани тушиши мумкин.

2–3 февралда республиканинг тоғли ҳудудларида қор кўчиши хавфи мавжуд.

• Об-ҳаво
• Ўзгидромет
• Qor
• yomg‘ir