“Shifo TV” телеканали Ўзбекистондаги тиббиёт ва табобат ҳақидаги биринчи махсус канал ҳисобланади. Унда асосан соғлом турмуш тарзини тарғиб қилиш, касалликларнинг олдини олиш, даволаш бўйича махсус кўрсатувлар, ток-шоулар ва тиббиётга оид кино ҳамда сериаллар эфирга узатилади.

Бундан ташқари, телеканалда, шифокор ва табиблар, соҳа мутахассислари билан эксклюзив интервьюлар, томошабинлардан йўлланган саволларга манфаатли жавоблар берилиши режалаштирилган.

Маълум қилинишича, айни вақтда телеканал онлайн режимда www.shifotv.uz веб-сайти орқали ҳамда “Biz Media” платформасида бепул намойиш этилмоқда.

• Телеканал
• Тиббиёт