Аввал хабар берилганидек, Москвада Евросиё лигаси доирасидан ўрин олган «Maxima Masters Eurasia Team Competition» мусобақасида ўзбекистонлик чавандозлар яна бир ғалабага эришдилар.

6 ёшгача бўлган отлар беллашувида (120 см) Хуршидбек Алимжонов «Lastij shok» тулпорида олтин медаль, айни шу дастурда «Klass X» оти билан иштирок этган Аъзам Толиббоев эса кумуш медалга эга чиқди.

Шунингдек, Баҳромжон Газиев 125 см баландликдаги тўсиқлардан ўтиш дастурида «Леди» тулпорида олтин медалига эга чиқди.

Қайд этиш мумкин, Турнирнинг жамоавий баҳслари Миллатлар лигасига ўхшаш тарзда ташкил этилган бўлиб, аввалги босқичлар апрель ойида Тошкент шаҳрида, май ойида эса Бишкек шаҳрида ўтказилган ва уларнинг ҳар иккисида ҳам Ўзбекистон вакиллари ғолибликни қўлга киритишган.

Маълумот учун, кейинги босқич октябрь ойида Москва яқинидаги «Maxima Park» от спорти мажмуасида бўлиб ўтади.

• Москва
• От спорти
• Ўзбекистон