Ўзбекистоннинг Истанбул шаҳридаги Бош консулхонаси Туркияда бўлиб турган ўзбекистонликларни шахсий масъулиятни ошириш ва бир қатор хавфсизлик талабларига риоя этишга чақирди.

- kundalik турмушингизда соғлиқ ва ҳаётингизга зарар етказиши мумкин бўлган шубҳали вазиятлардан узоқда бўлинг. Оммавий йиғин ва намойишларда қатнашишдан сақланинг, шунингдек, одамлар гавжум жойларда ҳушёрликни янада оширинг;

- қонуний ҳуқуқ ва манфаатларингиз ҳар қандай шаклда бузилса, оғир ёки фавқулодда ҳолатга тушиб қолсангиз зудлик билан маҳаллий ҳуқуқ-тартибот органларига 155 (Полиция) ёки 156 (Жандармерия) қисқа рақамлари орқали, шунингдек, Бош консулхона 24/7 ишонч телефонига мурожаат этинг;

- агар сиз ва яқинларингизни маҳаллий ҳуқуқ-тартибот идоралари қўлга олса, озодлигингизни чекласа ёки айб эълон қилса адвокат ҳимоясини талаб қилиш, яқинларингизга телефон орқали хабар бериш ёки Бош консулхона билан боғланишга ҳақлисиз;

- пул эвазига Туркияда бўлиш ҳужжатларини расмийлаштириш ва мўмай даромадли иш, шунингдек, Америка ва Европа давлатлари визаларини ваъда қилаётган фирибгарлардан эҳтиёт бўлинг;

- расмий рухсатномаси бўлмаган такси хизматларидан фойдаланманг (айниқса, аёл ва ёлғиз кишилар).

“Ҳурматли ватандошлар, сизнинг ҳуқуқ ва манфаатларингиз давлат ҳимоясидадир!”, – дейилади хабарда.

• Konsullik
• Ogohlantirish
• Ўзбекистон
• Туркия
• fuqaro