2025 йил 1 январь ҳолатига кўра, Ўзбекистоннинг умумий ташқи қарзи 64,1 миллиард долларга етди. Бу ҳақда Марказий банк хабар берди.

Қарз мамлакат ички ялпи маҳсулотининг 55,7 фоизига тенг. Ушбу сумманинг 33,9 миллиард доллари ташқи давлат қарзига, 30,2 миллиард доллари эса корпоратив қарзга тўғри келади.

Шу билан бирга, мамлакатнинг корпоратив ташқи қарзининг ўсиш суръати давлат қарзидан юқори бўлди.

Шунингдек, Ўзбекистоннинг халқаро захира активлари 6,6 миллиард долларга ошиб, 41,2 миллиард долларни ташкил этди.

• Ўзбекистон
• Ташқи қарз