Сешанба куни Покистон ҳукумати армияни мамлакат пойтахти Исломободга киритишга қарор қилган. Бу собиқ Бош вазир Имрон Хон тарафдорлари ва полиция ўртасидаги зиддиятингнинг кучайиши фонида содир бўлган. Зарур бўлса, ҳарбийларга ўт очиш буюрилган.

Ҳукумат маълумотларига кўра, тўқнашувларда хавфсизлик кучларининг камида олти нафар ходими ҳалок бўлган ва Имрон Хоннинг минглаб тарафдорлари пойтахт кўчаларини тўлдиришда давом этиб, унинг озод қилинишини талаб қилмоқда. Полиция намойишчиларнинг ҳаракатини тўхтатиш учун кўздан ёш оқизувчи газ ва резина ўқлардан фойдаланган.

Ҳукумат бутун мамлакат бўйлаб хавфсизлик чораларини кучайтирган. Катта шаҳарларда мактаблар ва корхоналар ёпилган, баъзи жойларда мобил алоқа блокланган.

• Imron Xon
• Покистон