Экология, атроф-муҳитни муҳофаза қилиш ва иқлим ўзгариши вазирлиги Экологик назорат инспексияси, Сирдарё сув ҳавзасини назорат қилиш бўлими ҳамда Ички ишлар бошқармаси тезкор қидирув ходимлари томонидан навбатдаги тезкор рейд тадбири ўтказилди.

Рейд давомида Тошкент вилояти, Чиноз тумани “Янги Обод” МФЙ, Самарқанд кўчасида истиқомат қилувчи фуқаро Т.А. томонидан ёввойи қушлар сақланаётгани аниқланди.

Хусусан, Ўзбекистон Республикаси Қизил китобига киритилган ёввойи қушлар турига мансуб бир дона “Сапсан” лочини ҳамда бир дона “Жиғолтой” лочини ноқонуний равишда ушланиб, панжарали қафасда тутқунликда сақланаётгани маълум бўлди.

Ҳолат юзасидан қонуний тартибда гувоҳлар иштирокида тегишли расмийлаштириш ишлари олиб борилди ва қушлар ҳуқуқбузардан олиб қўйилиб, вақтинча сақлаш учун Тошкент ҳайвонот боғига топширилди.

Ҳолат натижасида “Ов қилиш ва овчилик хўжалиги тўғрисида”ги, “Ҳайвонот дунёсини муҳофаза қилиш ва ундан фойдаланиш тўғрисида”ги ҳамда “Табиатни муҳофаза қилиш тўғрисида”ги Қонунлар бузилган. Натижада ҳайвонот дунёсига 620 миллион 884 минг сўм зарар етказилган. 

Иш юзасидан йиғилган барча ҳужжатлар ҳолатга ҳуқуқий баҳо бериш ва тегишли чора кўриш учун Бош прокуратурага юборилган.

• Экология
• Қизил китоб