“Қироллик клуби” президенти франсиялик ҳужумчини сотиб олиш ниятида қайтмаган.

Флорентино Перес Килиан Мбаппенинг “Реал”га ўтиш имконияти йўқлигига ишонмайди.

El Confidencial хабарига кўра, “Реал Мадрид” аъзолик ассамблеясида клуб президентидан ўтган ёзда ПСЖ ҳужумчисининг трансфери бузилгани ҳақида батафсил маълумот бера оласизми, деб сўрашган.

Перес Мбаппе атрофидаги вазият ҳақида гапирар экан, клуб аъзоларига “Реал Мадрид” эшиклари ҳужумчи учун ёпиқ эмаслигини айтди.

Шунингдек, Мадрид президенти ҳозир жамоада бўлмаган футболчилар ҳақида ўйламаслик кераклигини таъкидлади. Унинг фикрича, асосий эътибор ҳозирги таркибга қаратилиши керак, чунки “Реал”нинг ҳар бир футболчиси ҳозир “кўкрак нишони учун курашмоқда”. Мисол тариқасида Перес “Реал”нинг ёш футболчилари Федерико Валверде, Винисиус Жуниор, Родриго Гоес, Эдуардо Камавинга ва Аурелиен Тчуаменини келтирди.

• Флорентино Перес
• Футбол
• Mbappe
• Real
• Трансферлар