Xiaomi суб-бренди 300 ватт қувватга эга дунёдаги энг кучли смартфон зарядловчи қурилмасини намойиш этди. Компания ижтимоий тармоқдаги расмий аккаунтида зарядлаш жараёни акс этган видеони жойлаштирди.

Видеода Redmi Note 12 Pro+ смартфонининг 4100 мА/соат аккумуляторга эга махсус версияси кўрсатилган. Бу қурилма сотилмайди, у фақат Redmi лабораториясида синаш учун яратилган.

Видеодаги қувватланиш вақти 5 дақиқадан сал камроқ, 210 Вт қувватга эга бўлган Redmi Note 12 Explorer Edition смартфони эса 10 дақиқада қувватланади.

Тижорат қурилмалари орасида ҳозирги рекордчи 240 Вт қувватга эга Realme GT Neo 5 ҳисобланади. Компания маълумотларига кўра, смартфон 80 сонияда 20 фоизгача, 4 дақиқада 50 фоизгача ва 9,5 дақиқада 100 фоизгача қувват олади.

• Smartfon
• Xiaomi
• қизиқарли