Россия Қуролли кучлари Украина ҳарбий инфратузилмасининг 975 та обектига зарба берган. Бу ҳақда Россия Мудофаа вазирлиги маълум қилди.

Қайд этилишича, улар орасида: Украина Қуролли Кучларининг 23 та бошқарув пункти ва алоқа марказлари, 3 та радар постлари, 31 та С-300, Бук М-1 ва Оса зенит-ракета комплекслари ва 48 та радар стансиялари мавжуд.

Шунингдек, 8 та жанговар самолёт ва 7 та вертолёт, 11 та учувчисиз учиш аппарати, иккита “Точка-У” тактик ракеталари уриб туширилган.

Бундан ташқари, 223 та танк ва бошқа зирҳли жанговар машиналар, 28 та самолёт (ерда), 39 та реактив ракеталар, 86 та дала артиллерия ва миномётлари, 143 та махсус ҳарбий техника йўқ қилингани айтилмоқда.

Қайд этиш мумкин, кеча, 26-феврал куни Россия қуролли кучлари Херсон, Бердянск, Геничевск ва Чернобаевка аеродромини тўсиб қўйган.

• Давактив
• Россия
• Talafot
• Украина