Давлат Думаси депутатлари гуруҳи томонидан тақдим этилган қонун лойиҳасида “Таълим тўғрисида”ги қонундаги чет элликларга мактаб ва коллежда ўқишда россияликлар билан тенг ҳуқуқларни берувчи бандни ўзгартириш таклиф этилмоқда.

Депутатларга кўра, Россия мактабларида “мигрант болалар” сони ошиб кетгани сабабли ўринлар етишмовчилиги ва ўқитувчиларга тушадиган юклама ортган.

“Мигрант болаларнинг рус тилини етарли даражада билмаслиги ўқув дастурини ўзлаштириш ва мослашув жараёнини қийинлаштиради, бу эса россиялик болаларнинг таълим жараёнини секинлаштиради”, – дейилади изоҳ хатида.

Бундан ташқари, ҳозирда чет элликлар мактаб ва коллежда ўқиш учун рус тилидан тест топшириши керак. Депутатлар буни биринчи уринишда уддалай олмаганларга йил давомида атиги уч марта қайта топшириш имконини беришни таклиф қилмоқда. Депутатларнинг таъкидлашича, пуллик ўқитишдан тежалган маблағ ўқитувчиларга қўшимча тўловлар бериш ҳамда “хорижда рус тилини ўрганишга қизиқишни ошириш”га йўналтирилиши мумкин.

• Мактаб
• Россия
• Таълим
• migrant