Собиқ Иттифоқ мамлакатлари Россия агрессиясини қўзғатмаслик учун Шимолий Атлантика иттифоқига киритилмаслиги керак. Бу ҳақда АҚШнинг Кентукки штати сенатори Ренд Пол “The American Conservative” журналида чоп эътилган мақоласида таъкидлаган.

“Биз энди ҳиссий ва сиёсий манфаатлар учун сўзларни бемалол айта олмаймиз. Биз NATOнинг кенгайишини муҳокама қилганимизда, Совет Иттифоқи таркибига кирган қолган давлатлар иттифоққа қабул қилинмаслигини аниқ айтишимиз керак”,–деб ёзган сенатор Ренд Пол мақоласида.

Сенаторнинг қўшимча қилишича, “Россия NATOни Финляндияга киришига индамаслиги мумкин, аммо ушбу мамлакатда ташкилот ҳарбий базасини жойлаштирилишига қараб турмайди”.

Шунингдек, у Украина NATOга қабул қилинган тақдирда Москванинг жавоб қайтариш ҳақидаги огоҳлантиришларини ҳам эслаган.

Маълумот учун, Алянсга аъзо бўлган ва аввал СССР таркибида бўлган давлатлар қаторида Латвия, Литва ва Эстония ҳам бор. Улар 2004 йилда NATOнинг бешинчи кенгайишидан кейин ҳарбий блокка қўшилган.

Ҳозирда NATO ташкилотига аъзо давлатлар сони нақд 30тага етган.

• АҚШ
• НАТО
• Россия
• СССР
• Senator