Швейсариянинг шарқий қисмидаги Алп тоғлари ҳудудида нидерланд сайёҳларини олиб кетаётган автобус ағдарилиши оқибатида бир неча киши ҳалок бўлди, яна бир қанча йўловчи жароҳатланди.

Ҳодиса Граубюнден кантонидаги Суш қишлоғи яқинида содир бўлган. Дастлабки маълумотларга кўра, автобус йўл четига чиқиб кетиб, ағдарилган. Воқеа жойига политсия, қутқарув ва тиббий хизматлар жалб этилган.

Нидерландия Туризм компаниялари умумий ассотсиатсияси маълумотига кўра, автобусда жами 48 нафар йўловчи бўлган ва уларнинг барчаси Нидерландия фуқаролари ҳисобланади. Автобус ОАД туроператорига тегишли бўлган.

Ҳозирча Швейсария расмийлари ҳалок бўлганлар ва жароҳатланганларнинг аниқ сонини маълум қилмаган. Политсия ҳодисанинг келиб чиқиш сабаблари ва авария тафсилотларини аниқлаш бўйича текширув олиб бормоқда.

Расмийлар яқин вақт ичида воқеа юзасидан қўшимча маълумот беришини билдирган.