Фарғона ва Наманган вилоятларида фуқароларни “Умра” зиёратига ноқонуний юбориш билан боғлиқ ҳолатлар аниқланди.

Фарғона вилоятининг Қўқон шаҳрида фаолият юритувчи сайёҳлик фирмаси раҳбари икки нафар фуқарони “Умра” сафарига юборишни ваъда қилиб, бунинг эвазига 2 200 АҚШ доллари талаб қилган. Давлат хавфсизлик хизмати ва Ички ишлар органлари ходимлари ҳамкорлигида ўтказилган тезкор тадбир давомида у мазкур маблағни олаётган вақтида ашёвий далиллар билан ушланди.

Шунингдек, Наманган вилоятининг Чортоқ туманида фаолият юритувчи сайёҳлик фирмаси ходими икки нафар фуқарони “Умра” зиёратига юбориш эвазига 2 200 АҚШ доллари талаб қилган. У олдиндан 400 АҚШ доллари олган вақтида ҳуқуқни муҳофаза қилувчи органлар ходимлари томонидан ушланди.

Мазкур ҳолатлар юзасидан тегишли шахсларга нисбатан жиноят ишлари қўзғатилган. Ҳозирда тергов ҳаракатлари олиб борилмоқда.

Мутасадди органлар фуқароларни “Умра” зиёратини ташкил этиш бўйича тегишли лицензияга эга бўлмаган шахс ва ташкилотларнинг хизматларидан фойдаланишда эҳтиёт бўлишга чақирмоқда.