Совет Иттифоқининг биринчи ва ягона президенти Михаил Горбачёв дафн этилди.

Совет Иттифоқининг биринчи ва ягона президенти Михаил Горбачёв дафн этилди.Совет Иттифоқининг собиқ президенти Михаил Горбачёв шанба куни давлат дафн этилди, унда Россия президенти Владимир Путин иштирок этмади.

Совуқ урушни тугатгани сабаб Ғарбда ҳурматга сазовор бўлган, лекин Совет Иттифоқининг қулаши ва миллионлаб одамларнинг иқтисодий таназзулга учрагани туфайли кўпчилик томонидан нафратга учраган Горбачёвнинг тобутига Путин пайшанба куни гул қўйган эди.

91 ёшида вафот этган Горбачёв Москвадаги Новодевичй қабристонида рафиқаси Раиса ёнига дафн этилди.Собиқ Президент билан видолашув маросими Кремл яқинидаги машҳур қаср – Уюшмалар уйининг устунлар залида ўтказилди.

Михаил Горбачёв билан видолашув маросими ўтказилган Устунлар залида бугун минглаб одамлар саф тортди.

СССРнинг биринчи ва ягона президентига элчилар, рус ва хорижий сиёсатчилар томонидан гулчамбарлар олиб келинди.

Шунингдек, дафн этиш маросимида машҳур хонандалар, санъаткорлар, сиёсатчилар қатнашишди.

“Совет Иттифоқи аҳолисининг 20 миллиони қамоқда эди, қолган 60 фоизини колхозларга ҳайдашди ва у бу мамлакатни ўзгартирди, уни амалда Европа давлатига айлантирди”, – деб фикр билдирди продюсер Бари Алибасов.

• АҚШ
• Михаил Горбачёв
• Путин
• Украина