Сурхондарё вилояти ҳокими Улуғбек Қосимовнинг 2025 йил 20 январда имзоланган 14 январь – Ватан ҳимоячилари куни муносабати билан ўринбосарлари ҳамда шаҳар ва туман ҳокимларини мукофотлаш учун 661 миллион сўм ажратиш ҳақидаги фармойиши бекор қилинди. Бу ҳақда вилоят ҳокимлиги ахборот хизмати хабар берди.

Ушбу фармойиш жамоатчиликнинг кенг эътирозларига сабаб бўлганлиги боисидан бекор қилинган.

“Ижтимоий тармоқлар орқали Сурхондарё вилояти ҳокимининг ўринбосарлари ҳамда шаҳар ва туманлар ҳокимларини рағбатлантириш тўғрисида қабул қилинган 2025 йил 20 январдаги 12-8-0-Ф/25-сонли фармойиши юзасидан турли постлар эълон қилинди.

Мазкур фармойиш қайта кўриб чиқилиб, бекор қилинган. Маблағлар “Камбағалликдан фаровонлик сари” дастурига йўналтирилиши белгиланмоқда”, – дейилади ҳокимлик хабарида.

• Фармойиш
• Мукофот
• Қарор
• Сурхондарё
• ҳоким