Сурхондарёда эркак ит боласининг қулоқларини ваҳшийларча узиб ташлагани акс этган видео ижтимоий тармоқларда кенг тарқалди. Ҳолат юзасидан Сурхондарё вилояти Экология бошқармаси матбуот хизмати расмий муносабат билдирди.

Қайд этилишича, Сурхондарё вилояти Экология ва иқлим ўзгариши бош бошқармаси ҳамда Сурхондарё вилояти Ички ишлар бошқармаси томонидан олиб борилган ўрганишлар давомида Шеробод тумани “Меҳнатобод” маҳалласида яшовчи фуқаро О.Й. ўзининг ижтимоий тармоқдаги саҳифасида итнинг 3 бош боласига нисбатан шафқатсиз муносабатда бўлиб, уларнинг қулоқ қисмларини қўл билан юлиб ташлаганлиги акс этган видео материални жойлаштирган.

Ҳолат юзасидан Ўзбекистон Республикаси Маъмурий жавобгарлик тўғрисидаги кодексининг 111-моддаси 2-қисмига асосан маъмурий баённома расмийлаштирилиб, ҳужжатлар судга юборилган.

Суд ҳукмига мувофиқ, фуқаро О.Й.га нисбатан 10 кун маъмурий қамоқ жазоси қўлланилди.

• Суд
• Сурхондарё
• ma’muriy qamoq