Қирғизистон Миллий хавфсизлик давлат қўмитаси раҳбари Қамчибек Ташиев Хитойнинг China Road компанияси ишчиларидан қирғиз тилини ўрганишни талаб қилди.

У Иссиқкўл вилоятида автомобиль йўллари қурилиши бўйича ўтказилган йиғилиш чоғида Барскоон – Қоракўл йўли участкасига ким масъул эканини сўраган. China Road вакили рус тилида жавоб қайтариб, бу йўлда айнан унинг компанияси иш олиб бораётганини тасдиқлаган.

Шундан сўнг Қамчибек Ташиев Қирғизистонда қарийб 20 йилдан бери фаолият юритаётган компания вакилларининг ҳанузгача давлат тилини билмаслигини танқид қилган ва улардан маҳаллий тилни ўрганишни бошлашни талаб қилган.

“Нима учун ҳали ҳам қирғиз тилини ўрганмагансизлар? China Road Қирғизистонда неча йилдан бери ишлайди? 20 йил бери! Нима, қирғизча гапиришни билмайсизми? Ўрганинг!”, – дейди у.

Хитой компанияси вакили эса Ташиевнинг сўзларини бош ирғаб маъқуллаган.

• Қирғизистон
• Хитой
• kompaniya