Икки ҳафта давомида Нидерландиянинг Вейк-ан-Зее шаҳри мезбонлик қилаётган шахмат бўйича анъанавий “Тата Steel Chess-2025” мусобақаси бугун ўз якунига етади.

Бугун сўнгги 13-турда “Мастерс” гуруҳида 3-ўринни эгаллаб турган Нодирбек Абдусатторов оқ доналарда ҳиндистонлик Пентала Ҳарикришнага қарши баҳс олиб боради. Нодирбекда турнир чемпиони бўлиш имконияти қолмаган.

Сабаби, ундан бир очко кўп жамғарган икки ҳинд гроссмейстерлари бугун 13-турда ўзаро учрашувда муносабатларига ойдинлик киритиб олишади. Ҳар қандай натижа ё Гукеш ёки Рамешбабуни чемпион қилади. Якуний партия олдидан амалдаги жаҳон чемпиони Гукеш Доммараджу 8,5 очко билан қўшимча кўрсаткичларга кўра пешқадам бўлиб турибди. Абдусатторов кеча ҳиндистонлик Аржун Эргаисига ютқазмаганида, бугун чемпионлик учун имкониятни сақлаб қолган бўлар эди. Шундай бўлса-да, унда ҳали ҳам иккинчи ўринни эгаллаш имконияти мавжуд.

• Gollandiya
• Nodirbek Abdusattorov
• Шахмат