Тошкент вилояти Экология, атроф-муҳитни муҳофаза қилиш ва иқлим ўзгариши бошқармаси ҳамда вилоят Ички Ишлар бошқармаси ходимлари билан ҳамкорликда Бекобод туманида рейд тадбирлари ўтказилди.

Рейд давомида фуқаролар Ф.Т. ва У.Q. томонидан Бекобод тумани “Ачамайли” МФЙ ҳудудидан оқиб ўтувчи Сирдарё дарёси ўзанидан давлат рақами “20 Q 923 DA” бўлган юк автомобили ҳамда махсус юкловчи транспорт воситаси ёрдамида ноқонуний равишда қум-шағал аралашмаси ортиб олиб чиқиб кетилаётганлиги аниқланган. Бу ҳақда Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ахборот хизмати хабар берди.

Бу билан Ўзбекистон Республикаси Вазирлар Маҳкамасининг 2022 йил 23 ноябрдаги 666-сонли қарори 1-иловаси билан тасдиқланган “Норуда материалларни ноқонуний қазиб олишда табиий объектларга етказилган зарарни ҳисоблаш тартиби тўғрисида”ги низомнинг тегишли бандига асосан ҳисобланганда табиатга 16 миллиард 912 миллион 862 минг 600 юз сўм зарар етказилган.

Ҳолатга ҳуқуқий баҳо бериш мақсадида тўпланган ҳужжатлар Тошкент вилояти Прокуратурасига юборилган.

• Toshkent viloyati
• табиат