Ҳолат юзасидан Экология, атроф-муҳитни муҳофаза қилиш ва иқлим ўзгариши вазирлиги давлат назорат инспекцияси ходимлари томонидан тезкор ўрганиш ишлари олиб борилган. Рейд давомида Тошкент шаҳрида яшовчи фуқаро яшаш манзилида 1 дона Нил тимсоҳини сақлаётганлиги аниқланган.

Маълумот учун, Вазирлар Маҳкамасининг “Ёввойи ҳайвонларни сақлаш тартибини такомиллаштириш чора-тадбирлари тўғрисида”ги 736-сон қарорига асосан, 2025 йил 1 январдан жисмоний шахслар томонидан (рўйхат асосида) ёввойи ҳайвонларни тутқунликда сақлаш ҳамда цирк томошаларида ёввойи ҳайвонлардан фойдаланиш тақиқланган эди.

Тимсоҳ Тошкент ҳайвонот боғига топширилган. Ҳуқуқбузарга Маъмурий жавобгарлик тўғрисидаги Кодекснинг 92 прим 1-моддаси 1-қисми билан маъмурий баённома расмийлаштирилиб, иш юзасидан тўпланган ҳужжатлар ҳолатга ҳуқуқий баҳо бериш ва тегишли чора кўриш мақсадида суд органларига юборилган.

• Давлат экология қўмитаси
• Qoidabuzarlik
• Timsoh
• Тошкент