Буюк Британия ташқи ишлар вазири Лиз Трасс бош вазирлик учун курашда ўзининг рақиби, собиқ ғазна вазири Риши Сунакга ҳужум қилиш ниятида тобора кўпроқ Россия ва Хитой “картасини” ўйнашни истайди. Бу ҳақда “Sunday Telegraph” нашри Трасснинг исми ошкор этилмаган яқин тарафдорларига таяниб хабар берди.

Уларнинг сўзларига кўра, бу лавозимга келганига 10 ойдан сал кўпроқ вақт бўлган бошқарма бошлиғи ташқи сиёсат ва хавфсизлик масалаларини ўзининг "кучи" деб билади ва бу масалалар унга бош вазирлик пойгасида “очко” тўплаш имконини беришига ишонади.

Шундай қилиб, нашр суҳбатдошларининг айтишича, Трасс сайловолди ташвиқоти пайтида ўзини Россия ва Хитойга нисбатан “қирғинчи” сифатида кўрсатиш ниятида.
Кейин, Сунакга қарши чиқиб уни Москва ва Пекин ҳаракатларига нисбатан “юмшоқ” муносабатда бўлганликда айблайди.

“Украина ва Хитой ҳақида гап кетганда Лизнинг тажрибаси, обрўси ва қатъияти бор, бу эса уни партиянинг “қирғий”лари қаторига қўяди, Риши эса кўпроқ “кабутар”лар томонида. Лизанинг аргументи шундан иборатки, бу Совуқ уруш тугаганидан бери ҳар қандай вақтдан кўра хавфлироқ вақт ва у Буюк Британияни жаҳон саҳнасида етакчи ролга қайтариши мумкин”,– дейди ташқи ишлар вазирининг иттифоқчиларидан бири газетага.

• Bosma OAV
• Liz Trass
• Россия
• Хитой
• saylov