Wolt етказиб бериш хизмати 1,5 йиллик фаолиятдан сўнг Ўзбекистон бозорини тарк этади. Бу ҳақда компания мобил илова ва сайт орқали маълум қилди. Компания ушбу қарорни “Ўзбекистон бозорининг ўзига хослиги ва ўзининг стандартларига мос сервис даражасини барқарор таъминлай олмаслиги” билан изоҳлади.

Компаниянинг қайд этишича, ушбу қарорга келиш осон бўлмаган. Стратегия глобал миқёсда инвестицияларни узоқ муддатли ва барқарор бизнес қуриш мумкин бўлган йўналишларга қаратиш мақсадида қайта кўриб чиқилган.

“Ўзбекистондаги бозор шароитларининг ўзига хослиги сабабли, биз ўз стандартларимизга мос келадиган сервис даражасини барқарор ушлаб тура олмаслигимиз ҳақидаги хулосага келдик. Биз Ўзбекистонда ярата олган сервисимиздан фахрланамиз ва унинг бир қисми бўлган барчага, айниқса, мижозларимизга миннатдорчилик билдирамиз”, – дейилади хабарда.

4 мартгача сервис одатдаги тартибда ишлайди. Унда буюртма бериш ва мавжуд бонуслардан фойдаланиш мумкин. 5 мартдан бошлаб янги буюртмаларни қабул қилиш тўхтатилади.

• Бозор
• Ўзбекистон
• Стратегия
• kompaniya