Хитой Кубадаги махфий базасидан Америка Қўшма Штатлари ҳақида разведка маълумотларини йиғиш учун фойдаланмоқда. Бу ҳақда кеча 10 июнь куни Politico газетасида чоп этилган мақолада қайд этилган.

Америка расмийсининг айтишича, Вашингтон бу вазиятдан хавотирда ва унга қарши чоралар кўрмоқда.

Унинг сўзларига кўра, Хитой бу иншоотдан маълумот тўплаш учун АҚШнинг амалдаги президенти Жо Байден ҳокимиятга келишидан олдин ҳам фойдалана бошлаган.

“Ушбу маъмурият 2021 йил январь ойида иш бошлаганида, биз ХХР томонидан хориждаги логистикани кенгайтириш, ҳарбий қувватни лойиҳалаш ва узоқроқ масофада сақлаш учун (разведка) йиғиш базалари ҳамда инфратузилмасидан фойдаланиш бўйича бир қатор махфий ҳаракатлар ҳақида маълумот олдик. Аслида, Хитой 2019 йилда Кубадаги разведка маълумотларини йиғиш воситаларини янгилади. Бу разведка ҳисоботларида тўлиқ ҳужжатлаштирилган”, – дейди АҚШ расмийси.

Америкалик мулозимнинг сўзларига кўра, Байден аввалроқ маъмурият вакилларига бу масалани Хитой расмийлари билан муҳокама қилиш ҳақида кўрсатма берган.

• АҚШ
• Дипломатик
• Сиёсат
• Хитой