Ямандаги ҳусийлар ҳаракати Қўшма Штатларда “террорчи ташкилот” мақомини олди. Бу ҳақда АҚШ Давлат департаментининг тегишли баёнотида қайд этилди.
Бу Трампнинг 22 январдаги тегишли фармони кучга кирганлигини англатади.
Фармонда таъкидланишича, 2023 йилдан бери ҳусийлар Эрон Ислом инқилоби қўриқчилари корпуси кўмагида АҚШ денгиз кучлари ҳарбий кемаларига ўнда ортиқ ҳужумларни уюштирган.
“2014-2015 йилларда ҳусийлар фуқаролик инфратузилмасига кўплаб ҳужумлар уюштирди, жумладан Саудия Арабистонидаги фуқаролик аэропортларига бир неча марта ҳужумлар уюштирди, 2022 йил январида Бирлашган Араб Амирликларига ҳужумлар уюштирди ва 2023 йил октябрь ойидан бери Исроилга 300 дан ортиқ снарядлар отди”, – дейилади ҳужжатда.
“Ҳусийларнинг ҳаракатлари Яқин Шарқдаги америкалик тинч аҳоли ва ходимлар хавфсизлигига, энг яқин минтақавий ҳамкорларимиз хавфсизлигига ва глобал денгиз савдоси барқарорлигига таҳдид солади”, – дейилади Давлат департаменти баёнотида.
Ҳусийларнинг ҳаракатларига жавобан АҚШ расмийлари Қизил денгизда навигация эркинлигини таъминлаш ва кемаларни ҳимоя қилиш мақсадида халқаро коалиция тузилгани ва “Гардиан of Prosperity” операцияси бошланганини эълон қилди. Буюк Британия ва АҚШ қуролли кучлари Яманнинг турли вилоятларидаги ҳусийларнинг ҳарбий нишонларига мунтазам зарба бера бошлади.
16°
Кечаси 5°
