Фарғона шаҳридаги Президент мактаби 11-синф ўқувчиси Отабек Комилов Дониёр ўғли дунёнинг энг нуфузли олий таълим муассасаларидан бири — Mohammed Bin Zayed University of Artificial Intelligence университетига тўлиқ грант асосида қабул қилинди.

MBZUAI — дунёда сунъий интеллектга ихтисослашган биринчи университет бўлиб, QS халқаро рейтингига кўра AI йўналишида дунёнинг ТОП-10 университетлари сафидан жой олган. Университет йилига 45 000 АҚШ доллари, 4 йил учун жами 180 000 АҚШ доллари миқдоридаги тўлиқ грант ажратади.

Отабек Комилов бугунга қадар қуйидаги ютуқларга эришган:

- IELTS — 7 балл;

- AMC (Америка математика олимпиадаси) — миллий босқич олтин медаль;

- СЕАМО (Жануби-Шарқий Осиё математика олимпиадаси) — миллий босқич олтин медаль;

- V2E номли сунъий интеллект лойиҳаси асосчиси.

• Дунё
• Фарғона
• Грант
• Ўқувчи
• Университет