Кеча, 16 март оқшомида Европа Лигасининг 1/8 финал босқичининг жавоб учрашувлари бўлиб ўтди.

Жумладан, «Манчестер Юнайтед» сафарда «Бетис»га қарши баҳс олиб борди. Иккинчи бўлим бошида Маркус Решфорд томонидан киритилган тўп ўйинда ягоналигини сақлаб қолди.

«Бетис» – «Манчестер Юнайтед» 0:1

Гол: 0:1 – 55ʼ Решфорд.

Дастлабки баҳс – 1:4, умумий натижа –5:1

Ўз навбатида, «Ювентус» «Фрайбург» устидан ишончли, 2:0 ҳисобидаги ғалабани қўлга киритди. Учрашувда голларга Душан Влаҳович ва Федерико Кеза муаллифлик қилишди.

«Фрайбург» – «Ювентус» 0:2

Голлар: 0:1 – 45ʼ, пенальти Влаҳович, 0:2 – 90+5ʼ Кеза.

Дастлабки баҳс – 0:1, умумий натижа 3:0

Испан клуби «Севиля» сафарда «Фенербаҳче»га ютқазган бўлсада, дастлабки ўйиндаги ғалаба эвазига чорак финал йўлланмасини қўлга киритди.

«Фенербаҳче» – «Севилья» 1:0

Гол: 1:0 – 41ʼ, пенальти Валенсия.

Дастлабки баҳс – 0:2, умумий натижа 1:2

Шунингдек, «Арсенал» ўз майдонида «Спортинг» билан баҳс юритиб, пенальтилар сериясида имкониятни бой берди. Учрашувдаги 1:1 ҳисоби асосий вақтнинг қолган дақиқалари ва қўшимча бўлимларда ўзгармади. Футбол лотореясида эса португал клубининг қўли баланд келди.

«Арсенал» – «Спортинг» 1:1

Голлар: 1:0 – 19ʼ Жака, 1:1 – 62ʼ Педру Гонсалвеш.

Дастлабки баҳс – 2:2, умумий натижа 3:3, Пенальти – 3:5

«Рома» эса «Реал Сосьедад» майдонида меҳмон бўлди. Дарвозалар ишғол этилмади, бироқ Рим клуби дастлабки ўйиндаги ғалаба эвазига кейинги босқичга йўл олди.

«Реал Сосьедад» – «Рома» 0:0

Дастлабки баҳс – 0:2, умумий натижа 0:2

Шу тариқа, барча чорак финалчилар аниқланди:

«Манчестер Юнайтед» (Англия)

«Ювентус» (Италия)

«Фееноорд» (Нидерландия)

«Севиля» (Испания)

«Спортинг» (Португалия)

«Рома» (Италия)

«Байер» (Германия)

«Юнион» (Бельгия)

• Футбол
• Европа Лигаси