Sanksiyalar ro‘yxati Yevropa Ittifoqining rasmiy saytida e’lon qilingan.

Yevropa Ittifoqining 17-sanksiya paketiga Rossiya, O‘zbekiston, Belarus, Xitoy, Turkiya, BAA, Serbiya va Vetnamdan 75 nafar jismoniy shaxs va yuridik shaxs kiritildi.

Trade Engine System 2022-yilda ro‘yxatdan o‘tgan bo‘lib, elektron va telekommunikatsiya uskunalari va ehtiyot qismlari ulgurji savdosi bilan shug‘ullanadi.

Yevropa Ittifoqi sanksiyalari ro‘yxatiga kiritilgan O‘zbekiston kompaniyalari soni beshtaga yetdi. 2023-yildan beri sanksiyalar ro‘yxatida Alfa Beta Creative LLC, GFK Logistics Asia LLC, Mvizion LLC, 2025-yil fevralidan Uzstanex LLC bor.

Bundan tashqari, Ukraina hukumati ham O‘zbekiston kompaniyalarini o‘zining sanksiya ro‘yxatiga kiritgan. Bular: “Ohangaronsement”, qurilish texnikasini ijaraga beruvchi Mercury Renaissance, yog‘och materiallari va sellyuloza ishlab chiqaruvchi Raw Materials Cellulose, shuningdek, Farg‘ona kimyo zavodi.

• O‘zbekiston
• Rossiya
• Sanksiya
• Yevropa Ittifoqi