Obamaning ta’kidlashicha, Vashingtonda maxfiy ma’lumotlarni yashirish tizimi unchalik kuchli emas. Shu sababli, agar hukumat qo‘lida haqiqatan ham o‘zga sayyoraliklarga oid dalillar bo‘lganida, bu ma’lumot allaqachon jamoatchilikka sizib chiqqan bo‘lardi.

“Qasam ichaman, qaysidir qo‘riqchi allaqachon o‘zga sayyoralik bilan selfi qilib, uni sevgilisiga yuborgan bo‘lardi”, — dedi Obama hazil aralash.

Sobiq prezident yil boshida podkastlardan birida ham o‘zga sayyoraliklar mavjud bo‘lishi mumkinligini, biroq ularning Yerga kelganiga ishonmasligini aytgandi.

Shuningdek, Obama mashhur “51-hudud” haqida ham fikr bildirib, u yerda o‘zga sayyoraliklar saqlanayotgani haqidagi gaplarni rad etdi.

• AQSh