Ma’lum bo‘lishicha, andijonlik fuqaro ish vaqtida vafot etgan. Endi xodimning oila a’zolariga 485,7 million so‘m mablag‘ to‘lab beriladigan bo‘ldi. Bu haqda, Bandlik vazirligi ma’lum qilmoqda.

Xabar berilishicha, Andijonlik Sh.Nurillayevaning turmush o‘rtog‘i N.Nurillayev mehnat vazifalarini bajarayotgan vaqtda tan jarohati olib vafot etgan. Baxtsiz hodisadan so‘ng, Sh.Nurillayeva boquvchisini yo‘qotganligi uchun korxona tomonidan to‘lanishi lozim bo‘lgan bir martalik nafaqa hamda oyma-oy zarar to‘lovlarini undirishda amaliy yordam so‘rab Andijon viloyati Kambag‘allikni qisqartirish va bandlik boshqarmasiga murojaat qilgan.

Shundan so‘ng, viloyat Kambag‘allikni qisqartirish va bandlik bosh boshqarmasi Davlat mehnat inspeksiyasi tomonidan fuqaroning murojaati belgilangan tartibda o‘rganib chiqilib sudga da’vo arizasi kiritilgan.

Hozirda ushbu ariza qanoatlantirilib sudning hal qiluv qaroriga asosan Sh.Nurillayeva foydasiga 485 million 760 ming so‘m miqdoridagi pul mablag‘larini undirish belgilandi.

• Andijon
• Bandlik