Qamchiq dovonidan Toshkent viloyatining Angren shahriga kirib kelish joyida bir necha avtomobil ishtirokida yo‘l-transport hodisasi sodir bo‘ldi.

Ijtimoiy tarmoqlarda tarqalgan videolarda hodisa neft ortilgan maxsus yuk mashinasi va sement ortilgan yuk mashinasi, shuningdek, bir nechta yengil avtomobillar ishtirokida sodir bo‘lganini, avtomobillar yonayotganini ko‘rish mumkin.

Toshkent viloyati Ichki ishlar bosh boshqarmasi holat bo‘yicha quyidagicha ma’lumot berdi: “Bugun, 7-sentyabr soat 12:20 larda Toshkent viloyati Angren shahri hududidan o‘tgan A-373 “Toshkent-O‘sh” Xalqaro avtomobil yo‘lida bir nechta transport vositalari ishtirokida yo‘l transport hodisasi sodir bo‘ldi.

Holat yuzasidan O‘zbekiston Respublikasi Jinoyat kodeksining 266-moddasi 3-qismi bilan jinoyat ishi qo‘zg‘atilib, hozirda tergov-surishtiruv harakatlari olib borilmoqda.

Jarayon Toshkent viloyati IIBB va boshqa mas’ul tashkilotlar tomonidan to‘liq nazoratga olingan”.

• Angren
• YTH
• yong‘in