Antarktida muzlari ostida yashirin qadimiy daryolar, ulkan tepaliklar va vodiylar landshafti borligi aniqlandi.

Maʼlum bo‘lishicha, muzlar ostidan topilgan landshaftning maydonai Belgiya hududidan kattaroq. Olimlarning fikricha, u "vaqtda muzlatilgan", chunki millionlab yillar davomida o‘zgarishsiz turgan. Uni topishga qisman global isish sabab muzlarning erishi yordam berdi.

"Bu 32 000 kvadrat kilometr maydonda bir vaqtlar o‘rmonlar va ehtimol hayvonlar yashaydigan joy bo‘lgan. Ammo keyin muzlab, "vaqt oralig‘ida qotib qolgan”. Bu yashirin olamga oxirgi marta qachon quyosh nuri tushganini aniqlash qiyin", deydi tadqiqotchilar.

Baʼzi tadqiqotchilar bu kamida 14 million yil oldin sodir bo‘lgan degan fikrda. Lekin yana-da chuqurroq qaraydigan Jeymison fikricha, "yashirin dunyo" oxirgi marta quyosh nurini 34 million yil oldin, Antarktida birinchi marta muzlagan paytda ko‘rgan.

• Antarktida