Joriy yildan boshlab xorijiy va nodavlat oliy ta’lim tashkilotlaridan davlat OTMlariga o‘qishni ko‘chirishda milliy va xalqaro sertifikatlar inobatga olinadi. Bu haqda Oliy ta’lim, fan va innovatsiyalar vazirligi ma’lum qildi.

Qayd etilishicha, Vazirlar Mahkamasining 2026-yil 11-iyundagi 299-son qaroriga muvofiq, mos va turdosh bakalavriat yo‘nalishlariga o‘qishni ko‘chirishda chet tili hamda umumta’lim fanlari bo‘yicha milliy yoki xalqaro sertifikatga ega talabgorlarga tegishli fanlardan tabaqalashtirilgan yoki maksimal ball beriladi. Vazirlik mazkur tartib 2026-yil 12-iyundan kuchga kirganini va joriy yilgi o‘qishni ko‘chirish jarayonida ham to‘liq amal qilishini eslatdi.