Eng og‘ir vaziyat Ispaniyaning Andalusiya mintaqasida qayd etilib, kamida 12 kishi halok bo‘lgan, yana 23 kishi bedarak yo‘qolgan.

hukumati rahbari Xuanma Morenoning ma’lum qilishicha, yong‘in elektr uzatish tarmog‘idagi nosozlik sabab yuzaga kelgan bo‘lishi mumkin. Alanga Almeriya provinsiyasidagi Los-Galyardos hududidan tez sur’atda o‘rmonlarga tarqalgan

Vaziyatni nazoratga olish uchun Ispaniya Favqulodda vaziyatlar bo‘yicha harbiy bo‘linmasining 220 nafar harbiy xizmatchisi va 70 ta maxsus texnikasi hududga safarbar etilgan. Rasmiylar buni mamlakat tarixidagi eng halokatli o‘rmon yong‘inlaridan biri sifatida baholamoqda.

Mutaxassislar va olimlar yuzaga kelayotgan ofatni global iqlim o‘zgarishi bilan bog‘lamoqda. Ularning ta’kidlashicha, O‘rta Yer dengizi hududida kuzatilayotgan uzoq davom etuvchi jazirama va qurg‘oqchilik yirik yong‘inlar xavfini keskin oshirmoqda.

Fransiyada esa kuchli issiq sabab tarixda ilk bor butun mamlakat bo‘ylab favqulodda tayyorgarlik rejimi joriy etilmoqda. 10-iyul kuni mamlakatning to‘qqizta departamentida xavfning eng yuqori — “qizil” darajasi e’lon qilindi.

Hukumat aholining ehtiyojmand qatlamlari uchun sovutish markazlarini tashkil etmoqda hamda favqulodda vaziyatlarga tezkor javob berish maqsadida fuqarolar muhofazasining maxsus mexanizmini ishga tushirdi.

Fransiya joriy yil boshidan buyon uchinchi marta kuchli jazirama to‘lqiniga duch kelmoqda. Anomal issiq va qurg‘oqchilik oqibatida mamlakat bo‘ylab o‘rmon yong‘inlari soni va ko‘lami ortib bormoqda.