Bugun, 8-noyabr kuni Yer aholisi astronomik hodisalardan biri – to‘liq Oy tutilishini kuzatishlari mumkin.

Bu haqda O‘zbekiston Fanlar akademiyasi ma’lum qildi.

Tutilishning to‘liq fazasida oy yuzasi 100 foiz Yer soyasida bo‘ladi. Oy tutilishining umumiy davomiyligi 4 soatdan ortiqroq bo‘ladi.
Tutilishning to‘liq fazasi esa 1 soat 25 daqiqa davom etadi.

Ushbu Oy tutilishi O‘zbekistonda qisman kuzatiladi – o‘rta hisobda 1 soatdan ko‘proq vaqt mobaynida sodir bo‘lishi mumkin.

Oy tutilishi Oy chiqishidan avval boshlanadi, shuning uchun O‘zbekistonning hamma hududida tutilishning maksimal fazazi Oy ufqdan ko‘tarilganidan keyin bir necha daqiqa o‘tib kuzatiladi.

• Oy tutilishi
• Toshkent