Britaniya politsiyasi mashhur ko‘cha rassomi Benksiga nisbatan tergov boshladi. Buning natijasida uning shaxsi ommaga oshkor qilinishi mumkin. Bu haqda Buyuk Britaniyaning mashhur nashri - “The Telegraph” xabar bermoqda.

8-sentyabr kuni Londondagi Qirollik sudi binosi devorida Benksiga tegishli yangi surat paydo bo‘ldi. Unda yerda yotgan namoyishchini urayotgan sudya tasvirlangan. Graffiti allaqachon maxsus to‘siqlar bilan yopib qo‘yilgan.

Hozirda britaniyaliklarning aksariyati mazkur holat yuzasidan o‘z iddaolarini bayon qilishga ulgurgan. Politsiya esa, surishtiruv ishlarini davom ettirayotganligi ma’lum qilindi.

• Buyuk Britaniya
• Graffiti
• London
• tergov