Super-kontraktlar uchun shartnoma berish boshlandi. Bu haqda Ta’lim sifatini nazorat qilish davlat inspeksiyasi xabar berdi. 

Abituriyentlar kontrakt.edu.uz sayti orqali super-kontraktda o‘qish hamda shartnoma olish uchun ariza berishlari mumkin.

“Amaldagi qonunchilik bo‘yicha, faqat o‘zi tanlagan birinchi yo‘nalishga super-kontrakt uchun ariza yuborish imkoniyati mavjud”, – deyiladi xabarda.

Ta’kidlanishicha, abituriyentning ikkinchi va undan keyingi tanlagan yo‘nalishlari bazada ko‘rinmaydi.

Eslatib o‘tamiz, super-kontraktlar uchun imtiyozli taʼlim krediti ajratilmaydi. Tijorat banklari oʻz imkoniyatlariga koʻra tijoriy taʼlim kreditlari berishi mumkin.

• Oliy ta'lim
• Superkontrakt