Subsidiyaning eng katta qismi Buxoro viloyatidagi fuqarolarga — 18,9 milliard so‘m, Xorazm viloyatiga — 18,3 milliard so‘m va Qoraqalpog‘iston Respublikasiga — 12,4 milliard so‘m to‘g‘ri kelmoqda.

Fuqarolar mablag‘ni “Soliq” mobil ilovasining “Keshbek va imtiyozlar” → “Quyoshli xonadon” → “Kartaga pul o‘tkazish” bo‘limi orqali bank kartasiga o‘tkazib olishlari mumkin.

“Quyoshli xonadon” dasturiga ko‘ra, 2023-yil 1-apreldan xonadoniga quyosh panellari o‘rnatgan jismoniy shaxslarga o‘z ehtiyojidan ortgan va yagona elektr energetika tizimiga uzatilgan har bir 1 kVt·soat elektr energiyasi uchun 1 000 so‘m subsidiya ajratiladi. 2026-yilning birinchi yarmida jismoniy shaxslarga elektr tarmoqlariga uzatilgan quyosh energiyasi uchun davlat budjetidan 330 milliard 822 million so‘m subsidiya to‘langan.