Yevropaning to‘rtta davlati endi dunyodagi eng kuchli pasportlar qatoridan joy egalladi. Bu haqda “Euronews” ma’lum qildi.

Qayd etilishicha, yangi reytingda Fransiya, Germaniya, Italiya va Ispaniya Singapur bilan birinchi o‘rinni egallagan. Bunda yuqori o‘rindagi davlatlar 194 davlatga oldindan tasdiqlangan vizasiz kirishga ruxsat beriladi.

Shuningdek, dunyodagi eng kuchli pasport: Ispaniya VisaGuide reytingida Singapurni ortda qoldirgan. Jahon reytingida birinchi o‘ntalikda esa Yevropa pasportlari ustunlik qiladi.

2024-yil uchun yangi Henley reytingida Yevropa davlatlari kuchli o‘ntalikda hukmronlik qilmoqda. Ikkinchi o‘rinda Finlyandiya va Shvetsiya, shuningdek, Janubiy Koreya.

Uchinchi o‘rinda Avstriya, Daniya, Irlandiya va Niderlandiya, to‘rtinchi o‘rinda Belgiya, Lyuksemburg, Norvegiya, Portugaliya va Buyuk Britaniya. Gretsiya, Malta va Shveysariya esa beshinchi o‘rinni egalladi.

Bundan tashqari, eng zaif pasportlar qatori e’lon qilinganida esa ro‘yxatning eng quyi pog‘onasida Afg‘oniston joylashgan.

Unga 28 ta davlatga vizasiz kirish imkoniyati taqdim etilgan. Bu oktyabr oyidagi reytingdagidan bittaga ko‘p va Fransiya, Germaniya, Italiya va Ispaniyadan 166 ta kam.

Suriya, Iroq, Pokiston va Yaman esa quyi beshlikdan joy olgan. Unda 99-o‘rinda Somali; Liviya, Nepal va Falastin 98-o‘rinda; Bangladesh va Shimoliy Koreya 97-o‘rinda; 96-o‘rinda Eritreya va Shri-Lanka; shuningdek, Eron, Livan, Nigeriya va Sudan 95-o‘rinni egallagan.

• Pasport
• Viza