Polshaning Krakov shahrida dzyudo boʻyicha faxriylar oʻrtasida oʻtkazilgan Jahon chempionati oʻz yakuniga yetdi.

Dunyoning 60 davlatidan kelgan keksa avlod vakillari qatorida Oʻzbekiston terma jamoasining 8 nafar dzyudochisi ham jahon chempionati medallari uchun tatamiga chiqdi.

Oʻzbekistonlik faxriylardan -66 kg vaznda yurtimiz sharafini himoya qilgan Bahrom Inoyatov jahon chempionatining oltin medalini qoʻlga kiritdi.

Faxriddin Sharipov (-100 kg) va Murodjon Jamolov (-100 kg) esa bronza medalini terma jamoamizga taqdim etishdi.

Maʼlumot uchun, oʻtgan yili Portugaliyaning Lissabon shahri mezbonlik qilgan Jahon chempionatida Oʻzbekiston dzyudo federatsiyasi raisi oʻrinbosari Bekzod Toʻraboyev finalga qadar magʻlubiyatsiz yetib borib, kumush medalga sazovor boʻlgan edi.

• Dzyudo
• Faxriy
• O‘zbekiston