Estoniya mudofaa vaziri Hanno Pevkur tez orada hukumatga o‘q-dorilar va harbiy jihozlarni o‘z ichiga olgan Ukrainaga yangi harbiy yordam paketini taqdim etadi,
deyiladi xabarda.

Estoniya Ukrainaga artilleriya va tankga qarshi o‘q-dorilarni, qishki kiyimlarni, shuningdek zirhli plitalar va o‘q o‘tkazmaydigan jiletlarni yetkazib beradi. Yordam berish orqali biz o‘z mudofaa qobiliyatimiz doimiy ravishda ta’minlanishi kerak va biz birinchi navbatda yaqin kelajakda muntazam ravishda almashtirilishi kerak bo‘lgan yoki almashtirish osonroq bo‘lgan vositalardan foydalanamiz – deydi Pevkur.

Mudofaa vazirligining ma’lumotlariga ko‘ra, Estoniya Ukrainaga 255 million yevrodan ortiq harbiy yordam ko‘rsatgan. Uning tarkibiga Javelin tankga qarshi raketa tizimi uchun raketalar, gubitsa, tankga qarshi minalar, tankga qarshi granata otish moslamalari, minomyotlar, transport vositalari, aloqa vositalari, tibbiy buyumlar, shaxsiy himoya vositalari va quruq ratsion kiradi.

Moskva ilgari Ukrainaga qurol yetkazib berilganligi sababli NATO mamlakatlariga eslatma yuborgan edi. Rossiya tashqi ishlar vazirligi rahbari Sergey Lavrov Ukraina uchun qurol-yarog‘ bo‘lgan har qanday yuk Rossiya uchun qonuniy nishonga aylanishini ta’kidlagan edi. Rossiya federatsiyasi tashqi ishlar vazirligi NATO mamlakatlari Ukrainaga qurol yetkazib, “olov bilan o‘ynashmoqda” deb e’lon qilgan edi.

Rossiya federatsiyasi Prezidentining matbuot kotibi Dmitriy Peskov Ukrainani g‘arbdan qurol bilan ta’minlash Rossiya-Ukraina muzokaralarining muvaffaqiyatiga hissa qo‘shmasligini va salbiy ta’sir ko‘rsatishini ta’kidlagan.

• Estoniya
• Ukraina