Kecha, 27-fevral oqshomida FIFA talqiniga koʻra, mavsumning eng yaxshilariga The Best sovrinlari topshirildi.
Unga koʻra, PSJ klubi va Argentina terma jamoasi hujumchisi Lionel Messi “Yilning eng yaxshi futbolchisi” sifatida eʼtirof etildi.
Ushbu sovringa, fransiyalik futbolchilar Kilian Mbappe (PSJ) va Karim Benzema (Real) ham daʼvogarlik qilgan edi.
“Yilning eng yaxshi murabbiyi” nomiga Argentina terma jamoasi bosh murabbiyi Lionel Skaloni munosib topildi. Ushbu maqomga daʼvogarlar uchligidan Karlo Anchelotti (“Real”) va Xosep Gvardiola (“Manchester Siti”) oʻrin olgan edi.
Oʻz navbatida, Yilning eng yaxshi darvozaboni” nominatsiyasida gʻoliblik Argentina terma jamoasining yana bir vakili, Emiliano Martines (“Aston Villa”)ga nasib etdi.
Bu borada Martines Tibo Kurtua (“Real”, Belgiya) va Yassin Bunu (“Sevilya”, Marokash) ni ortda qoldirdi.
Yilning eng chiroyli goli muallifiga topshiriladigan “Pushkash sovrini”ga polshalik Marchin Oleksi loyiq koʻrildi.
Shu bilan birga, “Yilning eng yaxshi ayol futbolchisi” nomiga Aleksiya Putelyas (“Barselona”, Ispaniya) sazovor boʻldi.
FIFA va FIFPro talqiniga koʻra yil ramziy terma jamoasi quyidagicha koʻrinish oldi.
Darvozabon: Tibo Kurtua (“Real”, Belgiya);
Himoyachilar: Ashraf Hakimi (“PSJ”, Marokash), Joau Kanselu (“Manchester Siti”, Portugaliya), Virjil van Deyk (“Liverpul”, Niderlandiya);
Yarim himoyachilar: Kevin de Bryuyne (“Manchester Siti”, Belgiya), Luka Modrich (“Real”, Xorvatiya), Kazemiro (“Manchester Yunayted” / “Real”, Braziliya);
Hujumchilar: Lionel Messi (“PSJ”, Argentina), Kilian Mbappe (“PSJ”, Fransiya), Karim Benzema (“Real”, Fransiya), Erling Holand (“Manchester Siti” / “Borussiya D”, Norvegiya).
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!