31°
Kechasi 18°
Xitoyning Syandaoxu shahrida davom etayotgan tennis bo‘yicha ITF M25 turniri o‘zining qizg‘in pallasiga kirdi.
Musobaqada to‘rtinchi raqam ostida saralangan o‘zbekistonlik tennischi Sergey Fomin tongda Xitoy vakili, turnirning birinchi raqamli tennischisi Sun Fajingga qarshi kortga chiqdi. Yarim final bosqichidagi mazkur bellashuv 2 soat-u 16 daqiqa davom etdi. Yakunda Fomin sensatsiya qayd etgan holda 2:1 (6/3, 2/6, 6/4) hisobida zafar quchdi.
Ma’lumot uchun, bugungi o‘yin oldidan Fomin ATP reytingida 462, uning raqibi Sun Fajing esa 251-o‘rinni egallab turgan edi.
Endi o‘zbekistonlik 24 yoshli tennischi turnir g‘olibligi uchun neytral maqomdagi raketka ustasi Nikolay Galakka qarshi bahs olib boradi. Sergeyning dunyo reytingida 863-o‘rinda borayotgan Galakka qarshi o‘yini ertaga soat 7:00 da boshlanishi belgilangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
